Kirola, negurako aukera ere bada

MAB kiroldegia astean 7 egunetan irekiko da azarotik martxoa amaitu arte, larunbat eta igande arratsaldeak barne. Asteburuetan 9:00etatik 13:30era eta 16:00etatik 20:00etara bitartean egongo da zabalik.

Udazkenean gaude eta negura goaz. Azken urtaro hori gero eta hurbilago sentituko dugu, batez ere datorren larunbatean aurreikusitako ordutegi-aldaketaren ondoren. Igandetik aurrera ikusiko dugu egunak laburtu egiten direla, argia gutxitu egingo eta lehenago ilunduko duela. Egunero 3 argi-minutu gutxiago izango ditugu. Horrek ohiturak aldatzea ekarriko du: lehenago etxeratzea eta aire zabaleko egonaldia eta jarduera murriztea, hotza saihesteko. Aurrerantzean espazio estaliek pisu eta zeresan handiagoa izango dute, eta aisialdirako eta jarduera fisikorako ezinbestekoa da gure kiroldegia, instalazio aparta, bikain hornitua. Kirola neguan ere aukera ona badelako.

Hauek dira asteburuko arratsaldeetan gure eskura dauden baliabide irekiak: igerileku klimatizatuak, SPA, lurrun-bainua, sauna, squash, oinarrizko gimnasioa, Aritzmendi pilotalekua eta padel pistak. Jaiegunetako goizetan, fitness modalitatean eta premium modalitatean izena eman dugunok lehen solairuko fitness gela ere izango dugu erabilgai, monitorearekin eta aholkularitza pertsonalizatuarekin, azaroaren 1etik aurrera. Neguko ordutegi berezi hori 2023ko martxoaren 26ra arte mantenduko da.

Astelehenetik igandera, zuzendutako jardueren eta ikastaroen eskaintza zabalena. Kontsultatu xehetasuna edo eman informazioa harreran.

Fitness gimnasioa: modernoa eta primeran hornitua

Fitness aretoak 535 metro koadroko azalera du, eta entrenamendu kardiobaskularreko, estalitako txirrindularitza, indar-entrenamenduko, pisu libreko eta luzamenduetako eremuak ditu. Orain dela gutxi, lurzorua berria jarri da, kautxo gris argikoa eta pisu libreko eremuan dentsitate handiagoa eta gris ilun kolorea duena.

Ekipamenduak 100 postu baino gehiago ditu gaur egun: korrika egiteko 6 zinta, 9 eliptiko, 5 steps, 2 arraun, 6 bizikleta bertikal, 4 bizikleta etzanda, 2 eskalatzaile, barneko edo ziklo indoorreko 29 bizikleta, ziklo-gymeko 2 bizikleta, 25 muskulazio-makina, 6 banku, mankuernak, 2 TRX, 4 pareta, oreka- eta propiozepzio-ekipoak eta 6 luzatze-postu. Beheko enborrerako indar-makina bat, estazio olinpiko bat eta 5 eta 20 kilo arteko diskoak.

Saunak eta lurrun-bainuak ordutegi jarraitua dute

Sauna eta lurrun-bainua ariketaren osagarri edo uztartze perfektua dira. Eta doan goza ditzakegu erreserba kudeatze hutsarekin abonatuak bagara. Ordutegi jarraituan gozatzea, etenik gabe eguerdian, kiroldegiko igerileku estalietan daudenez ordutegia eta ikuskapena partekatzen baitituzte.