Mikrokontrolagailuak programatzen ikasteko hastapen ikastaroa

Teknologiarekin eta teknologiaren artean bizi gara; geratzeko etorri da, eta hazten doa etengabe. Berarekin egunero elkarreragin behar dugu: informatika, ordenagailuak, askotariko gadgetak, 3D inprimagailuak, telefonoak, eta abar. Hori bera gertatzen zaigu lan alorrean: CNC, muntaia-kateetako robotak, Adimen Artifiziala (IA), datuen analisia (Big Data), gauzen Internet (IoT), konputazioa, kuantika, eta abar. Enplegu guztiak –ezagutzen ditugunak eta imajinatu ere egiten ez ditugunak– teknologiaren erabilerarekin lotuta egongo dira etorkizun hurbilean. Orduan, zergatik ez gara alor horretan trebatzen prest egoteko aldaketa horren aurrean?

Ermuan gure udalak eta Bizkaiko Foru Aldundiak mikrokontrolagailuak programatzen ikasteko ikastaroa antolatu eta kofinantzatzen dute. Laneratzen laguntzeko programaren barruan dago. 250 orduko ikastaroa izango da, datorren apirilaren 19an hasi eta 2023ko ekainaren 28an amaituko dena eta Izarra Centren emango dena. Ikastaro hori bereziki pentsatuta dago Lanbiden izena emanda dauden pertsonentzat, langabezian daudenentzat edo gaur egun dutena hobetu nahi dutenentzat, 30 urte baino gutxiago dituztenentzat, prestakuntza jaso nahi dutenentzat, langile kualifikatuak eta gaitasun digitalak behar dituen lan-merkatuan sartu ahal izateko. Ez da beharrezkoa aldez aurreko ezagutzak izatea.

Informatu edo eman izena Bizkaiko enplegu-atarian. Izena emateko epea apirilaren 10ean amaituko da. Aprobetxatu aukera hau. Ermuatik irten gabe eta lana lortzeko aukera askorekin.

Xehetasunak eta ezaugarriak

Prestakuntza horrek pentsamendu konputazionalean eta ordenagailuetako lengoaietan programazioari buruzko aurretiazko ezagutzarik ez duten ikasleak prestatuko ditu. Oinarrizko kontzeptu konputazionalak erakutsiko dizkie eta praktikatik metodologia bizkorretan sartuko ditu: "learning by doing" edo eginez ikastea. c++ hizkuntza eta elektronikaren kontzeptuak erakutsiko dizkie, mikrokontrolagailuak oinarri dituzten sistemak diseinatu ahal izateko. Industriarako sistema txertatuen aplikazioak garatzeko eta web-orriak garatzeko beharrezko trebetasunak eskuratuko dituzte. Azken batean, enplegu teknologikoa lortzeko aukerak areagotuko dira.

Parte-hartzaileek lau modulu egingo dituzte, eta horietan oinarrizko hizkuntzan eta javascript hizkuntzan programatzen ikasiko dute, eta taldean lan egiteko eta sistema txertatuak diseinatzeko lankidetza-tresnak ezagutuko dituzte.

Arlo honetako langileen beharra, ondo ordainduta

Informazioaren eta Komunikazioaren Teknologiek (IKT) pertsonal-defizit larria dute, zeina azken bi urteetan areagotu egin den. Espainiako Digitalizaziorako Elkartearen arabera, sektore teknologikoan 2022an 120.000 lanpostu huts baino gehiago zeuden. Euskal Autonomia Erkidegoa da eskuragarri dauden enplegu gehien dituen hirugarren autonomia-erkidegoa, nahiz eta bertako IKT profesionalek batez beste 11.000 euroko soldata jasotzen duten Estatuko batez bestekoa baino handiagoa, aipatutako elkartearen sektore teknologikoko lanpostu hutsen erradiografiak jasotzen duenez.