Bilera irekia Idesako partzelaren erabilera aldatzeari buruz

Ermuko Udalak saio irekia antolatu du herritar guztientzat, Gipuzkoa Etorbideko 15. zenbakian dagoen Idesako partzelaren erabilera aldaketa aztertzeko. Ermuko Hiri Antolamendurako Plan Orokorraren (HAPO) aldaketa zehatz honetarako berariaz prestatutako Herritarren Partaidetza Programan jasotako ekimena da.

Bilera apirilaren 10ean izango da, 19:00etatik aurrera, Lobiano Kultur Guneko auditorioan, eta herritar guztientzat zabalik dago. Prozesu honetan aurreikusitako bi saio publikoetako lehena izango da; hurrengoa aurrerago egingo da, eta lursaila dagoen San Lorentzo auzoko bizilagunei eta elkarteei zuzenduta egongo da. Aldaketa idatzi duen taldeko kideek eta/edo udal-teknikariek gidatuko dituzte bilerak.

Lehen saio horretan ekimenaren edukia azalduko da, bai eta espedientea izapidetzean aurkeztutako aukera ezberdinak ere. Idesako lurzatiaren industria-erabilerak bertan behera gelditu da, eta, gaur egun, bizitegi-erabilera posible bat planteatu daiteke bertan, etxebizitzen arteko jarraitutasuna sortuz, lehen industria-jarduera baino ez zegoen lekuan. Eraldaketara bide horretan, inguruaren eta udalerriko herritarren ikuspegia txertatu nahi da.

Parte-hartze programaren estrategia herritarren ikuspuntua esparru teknikoenean integratzeko aukera ematen duen metodologia batean oinarritzen da, non udalerriko bizilagunentzako eta parte hartzen duten eragileentzako informazioa biltzen duten dibulgazio-materialak egingo diren. Prozesua amaitzeko, HAPOrako egindako ekarpenen ebaluazioa eta laburpena egingo dira.

Programa hau Udalbatzak onartu zuen martxoaren 11an eginiko Osoko Bilkuran.