‘Burlas de amor de doña Barroco’ antzezpena ikusgai Antzokian

'Coribante' konpainiak 'Burlas de amor de doña Barroco' komedia musikala aurkeztuko du ostiral honetan Ermua Antzokian, 20:30etatik aurrera. Lope de Vega eta Calderón de la Barcaren testuetan oinarritutako egokitzapena da. Ermuan jaiotako Erik Delgado Benítez aktore eta dantzariak lan egiten du obran. Sarrerak 10 €balio du eta aldez aurretik eros dezakegu Lobiano Kulturguneko bulegoan, Internet bidez Kutxabanken webgunean eta kutxazainen sarean, edo leihatilan, emanaldia hasi baino lehen.

Sinopsia

Barroco anderearen aitak Tordesillasko duke zaharrarekin ezkondu nahi du alaba gaztea. Barroko andreak, hori saihesteko, aitari esaten dio zaldun eder batez maiteminduta dagoela eta hark bere maitasunarekin bat datorrela, baina zaldun idilikoa... ez da existitzen!

Orduan, ustezko hautagai perfektua aurkitzeko Barroco andrearen eta bere zerbitzari taldeak bilaketa frenetikoa hasiko dute, protagonistak adosturiko ezkontza sahiesteko. Zitak maskaraturik, diruditenak ez diren galaiak, morroi ergelduak eta erokeria ugari izango dira gure antzokiko klasiko handiei egingo zaien omenaldian.

Zuzeneko musika, pertsonaia dibertigarriak, nahaste-borraste zoroak eta umoredun abesti originalen bidez, Lope de Vega eta Calderón de la Barcaren betiko bertsoei bizia emango diete trama original eta musikal batean, baina gure ondare barroko handieneko zatietatik abiatuta eraikia: "El Perro del Hortelano", "La Vida Es Sueño", "La Viuda Valenciana", "No Hay Burlas Con El Amor" edo "La Dama Duende", besteak beste.

Lortuko al du Barroco andreak bere patutik libratzea bere maitasunaren isekekin jolastuz? Ez galdu eta etorri erantzuna eta amaiera ezagutzera.