Ermua kirolak ikastaro ugari antolatu eta ehunka plaza eskaintzen ditu hogei diziplina baino gehiagotan

Eskaintza horrek jarduera fisikoak proposatzen ditu ingurune lehor edo bustian, intentsitate ertain edo sendokoak (fitness, crosstrain, TBT, Total core, bodypower edo kaloriak erretzea); gimnasia ariketa leunak (pilates, pilates aero, yoga, mobility edo hipopresiboak) jarduera koreografiatuak (ziklo indoor, zumba, zumba fit, GAPC), dantzak, kirol jardueren ikaskuntza (eskalada, patinajea), haurrentzako jarduera gidatuak (patinak, eskalada, dantza eta multikirola); uretakoak (aquagym, aquatonic edo igeriketa haurtxoentzat zein helduentzat) maila guztietan. Era berean, nerabeentzako, adineko pertsonentzako eta Gorabide elkarteekin edo Eguneko Ospitalearekin hitzartutako kirol egokituko talde berezientzako jarduera espezifikoak ere badituzte.

Helduen jarduerak irailarekin batera hasi ziren, eta haurrenak, berriz, irailaren 16tik aurrera, haurtxoentzako igeriketa izan ezik. Hala ere, oraindik plaza libreak daude eta taldeak osa daitezke; beraz, garaiz gabiltza bat egiteko. Ez dezagun biharko utzi...