Ermuko Udalak aurten ere Planetaren Ordua kanpainan aktiboki parte hartzeko konpromisoa hartu du. Aldarrikapen eguna martxoaren 25ean, larunbata, izango da, 20:30etik 21:30era, eta, Ermuarekin batera, mundu osoko 317 udal, 112 enpresa, 67 erakunde eta 88 klub batu dira.

Datozen 7 urteak erabakigarriak dira planetaren mugen barruan eta 1,5ºC-ko klima-atalasearen azpitik mantentzeko; bestela, ingurumenaren degradazio-egoera atzeraezin batera igaroko gara, eta klima-aldaketaren inpaktu oso larriak jasango ditugu.

Klima-aldaketaren eta biodibertsitatearen galeraren aurkako munduko mugimendu handiena WWFk sustatzen du, Naturarentzako Mundu Funtsak. Kanpaina honen barruan, gure erakundeak Udaletxeko, Ermua Antzokiko, Lobiano Kultur Guneko eta Orbe Kardinala plazako argiak itzaliko ditu larunbat honetan, hirurogei minutuz: 20:30etik 21:30era. Gainera, herritarrak ekimenarekin bat egitera eta energia aurrezteko keinu polit hau egitera animatzen dira.

Erronka berria: #KMPlanetarenAlde

Aurten, WWFk erronka berri bat proposatzen du: #KMPorElPlaneta #VueltaAlPlaneta ekimena. Erronka horrek kirolaren balioak sustatzen ditu, hala nola ahalegina eta talde-lana, erakusteko keinu txikiak eginez gure bizitzako lasterketa garrantzitsuena irabaz dezakegula: krisi klimatikoa gainditzea.

Erronka honetan parte hartu nahi baduzu, sartu WWFren webgunean eta eman izena. Kilometroak batu ditzakezu korrika, oinez, bizikletaz, patinetan edo igerian.