'Ni funeral, ni flores, ni cenizas, ni tantán' antzezlana ikusgai Ermua Antzokian

‘La dramática errante’ konpainiak ‘Ni funeral, ni flores, ni cenizas, ni tantán’ tituluko antzezlana aurkeztuko du ostiral honetan Ermua Antzokian, 20:30ean. Sarrerak 12 € balio du eta aldez aurretik eros daiteke Lobiano Kulturgunean bertan, online Kutxabanken webgunean, kutxazain-sarean edo leihatilan emanaldia hasi baino lehen.

‘Ni funeral, ni flores, ni cenizas, ni tantán’ gainditze, samurtasun eta gizatasun istorioa da. Zainketa aringarrietan eta «heriotz onean» zentratuta, bizitzari pozik aurre egitera eta bizitzaren amaiera nolakoa izango den galdetzera bultzatzen gaituen barne bidaia da. Mundu hau minez eta sufrimenduz utzi zuten pertsona guztiei egindako kantua. Azken etapa honetan irribarrea inoiz galdu gabe laguntzen duten guztiei egindako aitortza.

Testua Maria Goiricelayak idatzi du, Zentro Dramatiko Nazionalaren 2021-2022 denboraldiko egoitza dramatikoen programaren esparruan. Bera da muntaiaren zuzendaria eta dramaturgiaren arduraduna, muntaiak gaztelaniazko nahiz euskarazko bertsioak ditu. Antzezpenean Ane Pikaza, Aitor Borobia, Loli Astoreka, Patxo Telleria, Egoitz Sanchez eta Idoia Merodio aktoreek hartzen dute parte.

Testua finalista izan zen iaz Literaturako Sari Nazionalerako, eta arreta aringarrien problematikara hurbiltzen da umoretik, protagonisten bizi-esperientziak eta Espainiako egungo zainketa aringarrien sistemaren kritika basatia uztartzen dituen trama batean, Europako gainerako herrialdeen oso atzetik.

Garapen poetiko eta dramaturgiakori dagokionez, proposamen honek ‘La Dramática Errante’-k maila plastikoan esploratutako formatu dokumentala hartzen du abiapuntutzat, nahiz eta lan hau fikzio bat izan.

Oraingo honetan, Donejakue Bideak, bizitzaren metafora gisa, gai batean murgiltzeko esparrua eskaintzen digu, zainketa aringarriena, munduko ibilbide ospetsuenetako baten bidez, gizaki guztiok partekatzen dugun bidaia horretara joateko: bizitzara. Horrela, alegoria gisa egindako bide hori protagonista horien historia xehatzeko eszenatoki gisa balio du, guztiak ere beren buruaren erdigunera egindako bidaian murgilduta. Beldurra, ziurgabetasuna, iragankorra, izatearen transzendentzia... guztiak azaleratzen dira umorez, samurtasunez eta adiskidetasunez betetako istorio honetan.