Parte hartu ezazu Udal kirol instalazioen erabilera arautzeko ordenantza berria eratzeko prozesuan

Ermua Kirolak Ermuko Udaleko kirol Alorrak udalak dituen kirol instalazioak arautzeko ordenantza berria prestatzeko lanetan dihardu. Testu berriak 2012tik indarrean dagoen araudia ordezkatuko du, eta hamabi urte horietan izandako aldaketak jasotzea eta egungo beharrak islatzea du helburu.

Azken urteetan berrikuntza ugari izan ditu Udal Kirol alorrak. Hasteko, UKE Udal Kirol Erakundea deuseztatu egin zen 2020ko abenduaren 31n, eta harrezkero Ermuko Udaleko unitate bat gehiago da Ermua Kirolak. Bestetik, aurtengo udan Betiondoko igerileku estaligabeak inauguratu dira, eta ikastaroen adin-tarteetan eta rokodromoaren erabileran ere zenbait aldaketa egin dira. Gauzak horrela, alorrak beharrezkotzat jo du araudi berri bat lantzea.

Udal ordenantza prestatu eta onartzeko prozesu horretan, testua herritarren partaidetzara zabaldu da, ideiak, proposamenak eta aldaketak jaso eta araudia aberastu ahal izateko. Aurretiazko kontsulta Udal webgune honetako parte-hartze prozesuen atalean dago ikusgai, eta bertan, ordenantza proposamena eta ideiak jasotzeko galdetegia topatu daitezke.

• Bete ezazu parte-hartze galdetegia

Ordenantza berriaren nondik norakoak Gai Orokorren Informazio Batzordean aurkeztu dira astearte honetan, abenduak 10. 4. minututik aurrera jarraitu dezakezu azalpena, eta saioa euskarazko nahiz gaztelerazko azpitituluekin ikusi dezakezu, behar izanez gero.