Zerbitzu sailak gizalegerako deia egin eta irisgarritasun-azpiegiturak errespetatzeko eskatu du

Ohar batean adierazi duenez, “ez gara Ongaraiko arrapala mekanikoak eta horien elementuak behar bezala erabiltzen ari, eta horrek matxurak edo geldialdi errepikakorrak eragiten ditu makinerian, eragozpenak sortzen erabiltzaileei, aparteko gastuaz gain”. Gutunean zehazten denez, “hainbat pertsonek eskudelen gainean igotzen eta zokaloen gainean zapaltzen dute, horrek mekanismoaren elementuen higadura goiztiarra eragiten duelarik (arrabolak, eskudelak, arraste-piezak, eta abar)".

"Pertsonak eskudelen gainean igotzeak edo jartzeak gainkarga eragiten du, arrabolak desdoitzen dituena eta zarata eta kirrinka eragiten dituena, aldagailuan akatsak eragiteaz gain. Arrapalak segurtasun-gailuak ditu, eta horiek, gainkarga bezalako edozein anomalia detektatzen badute, mekanismoa geldiarazten dute, aldagailua gehiegi berotzea edo, are gehiago, erretzea saihesteko. Segurtasun-sistemek arrapala prebentzioz geldiarazten dutenean, beharrezkoa da langile kualifikatuek mekanismoa berrekin eta berriro martxan jartzea. Horrek ez du esan nahi matxuratuta dagoenik, geldirik dagoela baizik segurtasuna bermatzeko".

Gorabehera horiek behin eta berriz gertatzen direnean, matxurak sortzen dituzte eta arrapalak denbora zehaztugabean geldirik egotea eragiten dute. Matxuraren mailaren eta konponketarako beharrezkoa den ordezko piezarik dagoen ala ez kontuan hartuta, arrapala zerbitzuz kanpo egonen da denbora bateanb. Mantentze-zerbitzuak arrapala gunera joaten dira egunero, lehen orduan, guztiak martxan daudela egiaztatzeko. Geldialdiren bat badago edo tarteren bat zerbitzurik gabe, berrarmatu egiten dituzte. Zatiren bat martxan jarri ezin bada, gorabeheraren berri eman eta konpontzeko beharrezkoak diren lanak koordinatzen hasten dira. Igogailuetako kabinek ere tratu txarren zantzuak izaten dituzte askotan: zikinkeria eta kalteak botoi, argi edo heltzeko eskubanda bezalako elementuetan.

Azkenik, Sailak herritarrei laguntzeko deia egiten die, "erabiltzaileei laguntzeko eta arduraz erabiltzeko" eskatuz. "Eta arrapalen bat geldirik egoteak sortzen dituen eragozpenak barkatzeko. Udalerri osoan mugikortasuna eta irisgarritasuna hobetzeko lanean dihardutela" azpimarratuz.