Zortzi establezimenduk hartuko dute parte Kazolatxoen Lehiaketaren XI. edizioan

Edizio honetan 8 establezimenduk saiatuko dira dauden sarietako bat eskuratzen. Sariak hiru izango dira, hain zuzen: edizioko kazolatxorik onena, kazolatxo tradizionalik onenak eta hurbiltasuneko produktu-irizpideetara gehien hurbiltzen den kazolatxoa (KM0). Sari horiek guztiek ekarpen ekonomikoa eta diploma egiaztagarria dakarte.

Kazolatxoak 2 euroren truke dastatu ahal izango dira, astelehenetik igandera, establezimendu bakoitzaren ohiko ordutegian. Bakailaoa, legatza, zapoa edo txitxarroa bezalako arrainekin dastatu eta gozatu ahal izango dugu, baita bertako produktuekin ere, hala nola txistorra, arrautza, garbantzuak, kalabazina, eta abar. Parte hartzen duten establezimenduek beste urte batez ahalegin eta ilusio handia eskaini dute maila handiko kazolatxoak proposatuz, gustu guztietarako aproposak. Bilatu zure gogokoena!

Ekimenak Ermuko Udalaren, Laboralkutxa erakundearen eta Distribuciones Arral eta Lacturale enpresen laguntza eta babesa du.