Zumba eta Zumba Strong jardueren masterclass irekia eta doakoa

Udal Kirol sailak -Ermua Kirolak izenekoak- eta Berdintasun Sailak datorren astean izango dugun 'Emakumearen Nazioarteko Eguna' ospatzeko ekitaldia antolatu dute. Datorren asteazkenean, martxoak 8, Zumba eta Zumba Strong jardueren masterclass saioa eskainiko dute, irekia eta doakoa. Saioa arratseko lau eta erdietatik zazpi eta erdietara bitartean egingo da, etenik gabe, M. Ángel Blanco kiroldegiko laugarren solairuan. Bertaratutakoek saioa osorik edo zati batean jarraitu ahal izango dute – komenigarritzat jotzen duten denbora-tarte jakin batean –, eta, beraz, pertsona interesdunak jarduerarekin bat egiteko edo bertaratutakoek batek bere parte-hartzea amaitutzat emateko aukera aurreikusten da.

Aretoaren gehieneko edukiera berrogeita hamabost (55) pertsonakoa da; beraz, jardueraren uneren batean betetzen bada, ezingo da pertsona gehiago batu aretora, bertaratutakoren batek bere parte-hartzea amaitutzat eman eta aretoa utzi arte. Bertaratzen diren guztiei elastiko bana oparituko zaie. Jarduera instalazioko monitore tituludunek zuzenduko dute, hain zuzen ere Ainhoa Cenitagoyak eta Ander Moralesek gidatuko dute.