A20 - Haurren Nazioarteko Eguna | Ayuntamiento de Ermua

Azaroaren 20an Haurren Nazioarteko Eguna ospatzen da, eta munduko haur guztiei eskainitako eguna da. Lortutako aurrerapenengatik, baina batez ere, haur behartsuenen egoeraz ohartarazteko, haurren eskubideak ezagutarazteko eta pertsonak euren ongizatearen eta garapenaren alde egunez egun lan egitearen garrantziaz kontzientziatzeko eguna da.

Urtero hainbat jarduera egiten dira herriko ikastetxeekin elkarlanean Haurren Nazioarteko Eguna ospatzeko, hala nola marrazketa-tailerrak edo mikroipuinak, besteak beste.

2020

Ermuan azaroaren 20a ospatzeko ekintzak egin diren lehen urtea 2020a izan da. Ikastetxeekin elkarlanean, haurrek parte hartzeko prozesuak planteatu dira eurei ikusgarritasuna emateko:

Haurren oinarrizko 5 eskubide islatzen dituzten irudiak eta mikroipuinak bidali dira herriko ikastetxe guztietara.
Lehen Hezkuntzako 2. eta 3. mailako ikasleek ilustrazioak eta testuak hartu dituzte oinarritzat ikasgaia lantzeko eta euren eskubideetan sakontzeko.
Haur bakoitzak identifikatuen sentitzen diren edo hobekien irudikatzen dituztela uste duten irudiak eta mikroipuinak aukeratu ditu.
Aukeratutako irudiekin, olana bat egin da, azaroaren 20an liburutegian urtero ikusgai jartzen dena.

2021

Haurren Nazioarteko Egunaren bigarren edizioan, Anaitasuna, Ongarai, San Lorentzo, Eskolabarri eta San Pelaio ikastetxeetako ikasleek saio dinamiko batzuetan parte hartu dute haurren eskubideekin lotutako diseinuak sortzeko. Ikastetxe bakoitzak nazioarteko artista batekin batera lan egin du – Mondragon Unibertsitateko Leinn Lidergo Ekintzailea eta Berrikuntza Graduko ikasleekin –, eta horiek, umeen ideietan oinarrituta, marrazki bat sortu du ikastetxe bakoitzeko.

Bost diseinu horiek udalerrian zehar dauden nodo edo armairu elektrikoetan islatu dira. Ikastetxe bakoitzeko ikasleek proposatutako marrazkiaz gain, mural bakoitzak ordezkatzen duen eskubidearen izenburua eta hori landu duen ikastetxearen izena jasotzen ditu. Hauek dira egindako obrak eta horien kokapena:

Ikastetxea	Eskubidea	Kokapena	Murala
Anaitasuna ikastola	Ingurune seguru batean bizitzeko eskubidea	Udaletxe ondoan, Baldespina Markesa parkera sartzean	Imagen
San Lorentzo ikastetxea	Jolaserako eta aisirako eskubidea	Zubiaurren, VI Mendeurrena kalearekin bat egiten duen puntuan	Imagen
Eskolabarri	Kalitatezko zerbitzuak eskuratzeko eskubidea	Sallabenten, ikastetxearen aurrean	Imagen
Ongarai eskola	Zuzen tratatua izateko eskubidea	Aldapatik Ongaraira igotzeko lehenengo arrapala mekanikoaren ondoan	Imagen
San Pelaio ikastetxea	Entzuna izateko eskubidea	Miguel de Unamuno Gizarte Zentroan	Imagen

2022

2022ko Haurren Nazioarteko Egunak bi ekimen nagusi izan ditu:

Lehen Hezkuntzako 5. mailako haurrek modu artistikoan irudikatu dute nola ulertzen duten jolasteko, kulturaz gozatzeko, atseden hartzeko, arteaz gozatzeko eta kirola egiteko duten eskubidea. Obrak udaletxeko fatxadan eta San Pelaio plazan egon dira ikusgai.
Haur guztiei eskainitako eskultura bat inauguratu da San Pelaio plazan, beren eskubideak ikusarazteko eta beti gogoan izateko. 2022/2023 Haurren Kontseiluak eskulturaren inaugurazio ekitaldian parte hartu du, eta, gainera, klariona-joko dibertigarriez gozatu ahal izan du Ermua, Adinekoekiko Hiri Lagunkoia proiektuaren Talde Eragilea osatzen duten pertsonekin batera.