Lehiaketak

Herriko euskararen bultzatzaile handiaren omenezko literatur lehiaketa. Lehiaketa honen helburua ikasleen artean euskaraz idazteko ohitura sustatzea da. Bi modalitate daude. Lehenengoa, Lehen Hezkuntzako 3., 4., 5. eta 6. mailako ikasleei zuzendua, eta bigarrena, DBHko ikasleen lanak biltzen dituena.

 

 

Sari hau Udal Liburutegiko bazkideek gehien irakurtzen duten euskarazko liburuari ematen zaio. Egileak egindako lana aitortzeko eta, aldi berean, irakurleen arteko loturak estutzeko modu bat da, beraiek ematen baitute saria.

Sari hau Ezekiel Etxebarria idazle ermuarraren lana berreskuratzeko eta aintzatesteko ere sortu da. XIX. mendean bizi izan zen eta 56 urtez apaiza izan zen Ermuan. "Abadetxikia" -apaiz txikia- izenaz ezaguna, euskaltzalea zen eta hainbat kopla edo bertso idatzi zituen euskaraz, orduko ohitura eta bizimoduen berri emanez. Bere testuetan gai erlijiosoak, ahoz helarazitako Gabon kantak eta abar jorratzen ditu. Bertsoak idatzi zizkien herriko lagun eta jaunei, hala nola Valdespinako Markesari, Julian Gayarreri, Domingo Iturrarani eta Jose Iraegiri, besteak beste. Ondare hori herriko Abade Etxean aurkitu zen 1996an, eta gero "Ermua eta Eitzako euskara" liburuan argitaratu zen. Baina bertso horiek ez dira Ezekielek argitaratu zuen lan bakarra. 1899an "Etimologías vascongadas o sea, Ensayo sobre interpretación y reconstrucción del Vocabulario Vascongado" izeneko lana ere argitaratu baitzuen Durangon. Gainera, lore-zaintzari eta barazkiei buruzko hainbat artikulu eta saiakera ere idatzi zituen. Ezekiel Etxebarria Ermuan hil zen 1925eko abuztuaren 25ean.

Lehiaketaren edizioa	Obra saritua	Egilea
XVII Ezekiel Etxebarria (2025)	Markos Gimenoren 101 letrakartel	Joseba Sarrionandia
XVI Ezekiel Etxebarria (2024)	Ostegunak	Jon Arretxe
XV Ezekiel Etxebarria (2023)	Sumendiaren estrategia	Fernando Morillo
XIV Ezekiel Etxebarria (2022)	Superpatata	Esther López Epelde (Egilea: Artur Laperla)
XIII Ezekiel Etxebarria (2021)	Miñan	Amets Arzallus - Ibrahima Balde
XII Ezekiel Etxebarria (2020)	Indiara Bidaia	Marc Armspach "Marko"
XI Ezekiel Etxebarria (2019)	Musika Airean	Karmele Jaio
X Ezekiel Etxebarria (2018)	Jara	Jasone Osoro Igartua
IX Ezekiel Etxebarria (2017)	Arotzaren eskuak	Alberto Ladron Arana
VIII Ezekiel Etxebarria (2016)	Koaderno Handia	Agota Kristol. Eskarne Mujika
VII Ezekiel Etxebarria (2015)	Ibilbide oparoa	Antton Irusta
VI Ezekiel Etxebarria (2014)	Mussche	Kirmen Uribe
V Ezekiel Etxebarria (2013)	Sua falta zaigu	Katixa Agirre
IV Ezekiel Etxebarria (2012)	Nora ez dakizun hori	Irati Jiménez
III Ezekiel Etxebarria (2011)	Bilbao-New York-Bilbao	Kirmen Uribe
II Ezekiel Etxebarria (2010)	Amaren eskuak	Karmele Jaio
I Ezekiel Etxebarria (2009)	Riomundo	Jon Maia