Euskara

Ermuko Udal Euskaltegia Udalaren menpeko erakundea da, herritarrak euskalduntzeko eta alfabetatzeko 1981ean sortu zena. 16 urtetik gorako herritarrei zuzendutako euskara ikastaroak eskaintzen ditu. Bere egoitza Teresa Murga eraikineko 3. solairuan dago (Goienkale 3-4).

Itzulpen zerbitzua
Heriko kolektibo, elkarte eta enpresentzatzako itzulpen- eta berrikuspen-zerbitzua da, doakoa. Honen bidez udalerrian euskararen presentzia eta erabilera handitu nahi da, herritarrei zuzendutako testuak itzuliz edo zuzenduz.

Mundu bat bertso
Herriko ikastetxe guztietan ikasleen ahozkotasuna eta ahozko komunikazioa bultzatzea helburu duen programa da. Horren bitartez, eta bertsolaritza erabiliz, ikasleei beharrezko baliabideak ematen zaizkie, haur eta gazteen artean euskara prestigiatzera eta erabiltzera animatuz.

Berbalagun
Programa hau euskal hiztunak elkarrekin harremanetan jartzean datza, euskal hiztun berriek trebezia komunikatiboak eta hizkuntzaren erabilera esperientzia handiagoko solaskideekin praktikatu ahal izan ditzaten. Horretarako, beren interes eta kidetasunen araberako pertsona-taldeak eratzen dira, astean behin ordubetez euskara praktikatzeko biltzen direnak .

Oporretan Jolas
Udako eta neguko oporraldian Lehen Hezkuntzako 1. mailatik 6. mailara bitarteko haurrei zuzendutako jarduerak dira. Aisialdiko jarduera hauen helburua da haur eta gazteei eskolaz kanpoko ingurunean euskara normaltasunez erabiltzeko aukera emango dien beste esparru bat eskaintzea.

Eusliderra
Bigarren Hezkuntzako ikasleen artean hizkuntza-ohitura berriak sortzeko tailerra da. Euskara gehiago erabiltzeko baliabideak eta erraztasunak ematea du helburu. Tailerra modu dibertigarrian, gazteen interesetara egokituta eta une bakoitzean lor daitezkeen helburuei eutsiz garatzen da.

Drogetenitturri aldizkaria
Ermuko Udalak diruz laguntzen du Drogetenitturri aldizkaria, eta horrek herriko errealitatea euskaraz hurbiltzen digu. Bere hileko tirada 2.425 alekoa da eta, dagoeneko, 300 zenbaki baino gehiago argitaratu dira, bertako gai interesgarriak, gai sozialak, kirolekoak, kulturalak eta aisialdiari buruzkoak gerturatuz.

• Argitaratzailea: Asociación Cultural Euskal Birusa
• Egoitza soziala: Erdikokale 2, 1
• Telefonoa: 943 17 93 50
• Emaila: drogeten@gmail.com
• Koordinatzailea: Dorleta Vidal
• Lege gordailua: SS-213/94

Ermuan euskararen sozializazioa sustatzeko plana da, Eusko Jaurlaritzaren gidalerroen arabera diseinatua eta Ermuko errealitatera egokitua. Bertan zehazten dira landu beharreko helburuak eta esparruak.