Kiroldegia eta Aritzmendiko kirol gunea zabalik gaurtik aurrera

Miguel Angel Blanco udal kiroldegia eta Aritzmendi kirolgunea (frontoia eta padel pistak) gaurtik, abuztuak 24tik, Aurrera berrirekita izango ditugu. Gaurtik abuztuaren 31ra arte, ordutegia honakoa izango da: astelehenetik larunbatera, 09:00etatik 13:30era eta 16:00etatik 20:00etara; eta abuztuaren 29an, igandea, itxita izango delarik. Isntalazioa zabaltzearekin batera barruko igerilekua, spa gunea, sauna eta lurrun bainua, fitness eta doako gimnasioak, squash pista, aerobiko eta kardio aretoa edo areto barruko txirrindularitza gunea erabiltzeko aukera izango dugu.

Bestalde, Betiondo kirolguneari dagokionez, irailaren 1ean (asteazkena) irekiko ditu ateak berriz, ohiko ordutegian. Bertan, kirol anitzeko pista, rokodromoa, kanpoko atletismo-pista eta futbol-zelaia izango ditugu eskura, baita jauzien, hesien eta barne-entrenamenduaren eremua ere.

Irailerako kirol eskaintza

Kirol Sailak eskaintza integral zabala antolatu du denboraldi berrirako. Irailetik aurrera, kirol-jarduera sorta zabala eskainiko da herrian, unean uneko espezialitate eta joera eskatuenekin, goizetik gauera bitarteko ordutegian.

Pertsona helduentzako proposamenak 20 espezialitate biltzen ditu, edozeinen gustuak asetzeko modukoak: total body training, yoga, zumba, pilates, fitness, ziklo indoor, aerobic, aquagym eta igeriketa, esaterako. Proposamen katalogoan haurrentzako jarduerak ere sartzen dira, hala nola, patinaje, dantza eta igeriketa ikastaroekin. 

Helduentzako ikastaroak irailaren 1ean hasiko dira, eta haurrei zuzendutakoak, aldiz, urritik aurrera, eskolako ordutegi osoarekin batera.

• Irailetik aurrera eskainiko diren kirol jarduerak
• Premium Tarifako jarduerak irailetik aurrera