Ermua Kirolak krosstrain gune zabaldu berri du Betiondon

Ermua Kirolak-ek bere instalazioetan egin ditzakegun kirol eskaintza eta espezialitateak zabaldu ditu ikasturte berri honetan. Udazken honetatik aurrera, "Crosstrain" izeneko jarduera eskaintzen du atondu berri duen areto batean, Ongarai auzoko Betiondo kirol-gunean. Erresistentzia lantzeko berariazko ekipamendua duen espazio bat, hainbat ariketa fisikotan erabili beharreko askotariko materialaren bidez.

Espezialitatean hainbat gaitasun eta trebetasun lantzen dira, hala nola erresistentzia kardiobaskularra eta arnasketakoa, erresistentzia muskularra, indarra, malgutasuna, potentzia, abiadura, arintasuna, psikomotrizitatea, oreka eta zehaztasuna. Jarduerak monitore espezifiko bat du, Jarduera Fisikoetako eta Kirol Animazioko Goi Mailako Teknikaria, astelehenetik ostegunera bitarteko saioak zuzentzen eta koordinatzen dituena, ordutegien eta taldeen tarte zabal batean, hasieran arratsaldeetan, benetako eskaria zehaztu arte.

Instalazioa aste honetan ireki da eta astelehenetik aurrera, egunean bi saio eskainiko dira astelehenetik ostegunera. Jardueraren prezioa abonatuentzat 16,30 eurokoa da, eta abonatuak ez direnentzat 25,25 eurokoa. Probatu konpromisorik gabe!

• Iraila-abendua ekintzen programa