Haurren Kontseilua

Haurren Kontseilua Ermuko Alkatetzaren organo aholku-emailea da, eta udalerriarekin eta tokiko kudeaketarekin lotutako gaiei buruzko ikuspegia ematen duten neska-mutilek osatzen dute. Haurrek parte hartzeko modu zuzen eta esanguratsuenetako bat da, baina, batez ere, alderdi politikoarentzako ikaskuntza-prozesu bat da; izan ere, haien kezkak ulertzen laguntzen die, haiekin harremanak izaten eta hiria haurren parametrotik ikusten, herritar bakar bat ere bistatik ez galtzeko.

7 eta 8 urte bitarteko Ermuko bost ikastetxeetako ikasleek, beren borondatez aurkeztutakoek, parte hartzen dute Udaletxean bertan biltzen den taldean, urritik maiatzera bitartean. Alkatetzak proposatutako erronka baten inguruan aritzen da lanean Kontseilua, udalerria hobetzeko proposamenak eginez. Kontseilariek dinamizatzaileen eta Ermua, Hiri Hezitzailea proiektuko talde teknikoaren laguntza jasotzen dute uneoro. Eskola-orduetan egiten diren bileretan parte hartzen dute, 9:00etatik 12:00etara, eta hitzorduak adostuta daude ikastetxeekin. Ikasturteko saio guztiak amaitzean, alkateak Kontseiluarekin batera aztertzen ditu euren proposamenak eta bideragarritasuna.