Ibilbide historiko-monumentala | Ayuntamiento de Ermua

Ilustración para el recorrido de QR Kulturala

Ibilbide horrek 15 geraleku edo interes gune ditu, eta horietatik lau ibilbidean zehar ibiliko diren kaleei dagozkie.

Abiapuntua herriko erdigunea eta herrian zehar mugitzeko gakoa da: Orbe Kardinala plaza. Hortik, ibilbideak Erdikokale kaletik, Santiago plazatik, Elizatik, Baldespinako Markesetik eta izen bereko Jauregitik jarraituko du.

Jauregiaren ondoko espazioa Martxoak 8 plaza da, berdintasunerako plaza, eta, bide hori aprobetxatuz, Izelaieta kalera jarraituko dugu, Bizkaian aitzindaria den Emakumearen Etxea ikusteko. Izelaieta kale horretan bertan ikusgai dira Palaziozarra eta Eitzaga-Etxeberria eraikina.

Gelditu eta Lobiano Jauregia ikusi ondoren, Santa Ana kalera igoko da ibilbidea, Estartapeko kanposantu zaharraren sarrera zen arkura hurbiltzeko. Ondoren, Orbe Kardinalaren plazaraino joango da, Kantabria zeharbidetik, eta Zubiaurre kalera iritsiko da. Probalekuraino jarraituko du, arraste-harri sinbolikoan geldituz, eta ibilbidea Bizkaia Etorbidean amaituko da, Torreta Etxearen parean.

Aurreko guztiaz gain, San Antonio ermita eta San Pelaio ermita, 16. eta 17. geltokiak, aukerakoak dira.

Ibilbideak 30 minutu inguruko iraupena du, baina ibilbidea egiten duena denbora gehiagoz geldituko dela kontuan hartuta, azkenean 40-45 minutu izango dira. Jarraian, geralekuen mapa, ibilbidea eta geldialdi bakoitzari dagokion informazio-fitxa adierazten dira.

Ikusi ezazu mapa leiho osoan